Вчера претпладне се случила тешка сообраќајна несреќа на булеварот „Кочо Рацин“ во Скопје, каде 20-годишен возач од селото Батинци, удрил во велосипедист и смртно го повредил, соопшти полицијата.
„На 13.07.2021 во 10.30 часот било пријавено дека на бул.„Кочо Рацин“, патничко возило „Опел Корса“, со скопски регистарски ознаки, управувано од Е.С.(20) од с.Батинци, скопско, удрило во велосипед, управуван од Б.Љ.(54) од Скопје. По незгодата велосипедистот бил пренесен во Градската општа болница „Св. Наум Охридски“, каде од страна на лекар била констатирана смрт“, велат од полицијата.
Од МВР додаваат дека бил извршен увид на местото на незгодата, од страна на увидна екипа од СВР Скопје.