(ВИДЕО) Мизрахи: Додека вие имате големи семејства – јас немам, не дозволувам антисемитизам

Од:

Министерката за труд и социјална политика, Рашела Мизрахи, вели дека нема да дозволи никој да го обележи нејзиниот народ како антисемитски. Овој став доаѓа откако Мерсиха Смаиловиќ од СДСМ, на социјалните мрежи направи пралела меѓу чинот на поставувањето партиско знаме во кабинетот на претседателот на Собранието, Талат Џафери, и знамето што беше зад Мизрахи додека таа даваше телевизиско интервју.

Смаиловиќ напиша: „Тоа е знамето на албанската заедница во Македонија, а нејзиното е класично партиско. Да беше Давидова ѕвезда, никому ништо!“, по што ВМРО-ДПМНЕ веднаш ја обвини за омраза и антисемитизам.

„Јас сум родена и израсната во Република Македонија. Во одреден момент ја напуштив државата и го продолжив образованието надвор. Во државата се вратив во 2014-2015 година. Јас сум од оние што се вратив дома. Ова е моја држава и се вратив назад. Нема да дозволам никој да го обележи мојот народ како антисемиски народ. Јас сум растена во средина, во соживот со Македонци, Албанци, Турци, Срби, Бошњаци, луѓе од разни верски и етнички припадности. Тоа никогаш не било прашање. Никогаш не ми се поставило прашањето за моето име. Конечно, на ниеден од јавните личности од политиката не му се постави прашањето од која национална, етничка или верска припадност се тие. Дали ќе беше спорно доколку бев Србинка, Влаинка, Турчинка? Антисемитизам во оваа држава не постоел, ниту ќе постои“, рече министерката.

Мизрахи им рече на присутните претставници на медиумите: „Додека вие имате широки семејства, јас тоа го немам“.

„Во текот на Втората светска војна од моето семејство од Македонија се однесени 83 члена. Додека вие имате големи семејства, јас тоа го немам. Сите се убиени во Треблинка, во концетрационен камп. Го носам името на една од моите тетки. Срамно е во политичка битка да се користат вакви алатки“, додаде Мизрахи.

Би можело да ве интересира

ВИДЕО: Се уште неизвесно кога граѓаните ќе може да докупат стаж за пензија

Усвоен Оперативниот план за вработување за 2021 година со четири пати поголем буџет од лани

Ана Ололовска

ВИДЕО: Отворена нова градинка во Новаци, Шахпаска соопшти дека годинава се градат 15 низ државата

Ана Ололовска

МТСП: Исплата на правата од социјална, детска и цивилна заштита

Ана Ололовска

(ВИДЕО) Шахпаска: Ако продолжи корона кризата, догодина се очекува во системот за социјална заштита да влезат уште 6.000 семејства

Ана Ололовска

Прва мобилна апликација за помош и поддршка на жртвите на насилство „Биди безбедна”

Ана Ололовска