Измените на законот за Влада и укинувањето на техничката влада се прашање на консензус меѓу четирите најголеми парти во Собранието рече на прес конференција координаторот на пратеничката група на СДСМ, Јован Митрески.
– Во врска со тоа што го наметнува ВМРО-ДПМНЕ како прашање и како теза спориме две работи. Првата работа иако на одговор на прашање дека техничката Влада не е условена со одржување на предвремени парламентарни избори јасно е на стартот и на сите изјави дека условувањата се со предвремени парламентарни избори. Затоа сакам да спорам две работи за овој нивни предлог. Првата е начинот на којшто е доставен овој предлог а тоа значи дека и според договорот пржински значи дека измените на Законот за влада треба да биде консензус помеѓу четирите најголеми политички партии во Собранието а не на ваков начин со еднострано изразена волја на една партија, рече Митрески.
Според Митрески спорен е итајминог во кој ВМРО-ДПМНЕ го поднесува предлогот со оглед дека како што рече предвремени избори нема да има и партиите имаат време да дискутираат и за постигнат консезус по пова прашање.
– Очигледно безидејноста на ВМРО-ДПМНЕ во овој период , во овој тежок период кога државата се соочува и со енергетска криза и со кризата предизвикана од пандемијата, со борбата за зачувување на животниот стандард на граѓаните нема што друго да понуди освен да прави политички театар за јавноста, вели Митрески.