Горан Мисовски од НСДП на протестот во Скопје му порача на Груевски дека народот е собран пред неговата жолта зграда, зградата каде што ги носи најпогубните политики.
„Секој кој ќе крене рака на пратеник, кренал рака на народот. Гавазите на Никола Груевски и на Гордана Јанкуловска, ја исполнуваат желбата на Груевски, да не тепа и како кучиња да не исфрли.
– Трајко Вељаноски е само извршител на оваа политика. Ние сакаме да живееме во слободна Македонија. Зрело време е Никола да си одиш“, рече Горан Мисовски.
Секој ден, најави, ќе се собираме, додека не си замине Никола Груевски и неговите соработници.
„Од срце соопштувам дека најголеми херои се моите соборци пратениците“, рече Мисовски.
