Вршителот на должноста шеф на Мисијата на ОБСЕ во Скопје, амбасадорката Наталија Дрозд, ги повика денеска сите заинтересирани страни, вклучувајќи ги пратениците, нивните политички партии и пошироката јавност да се воздржат од секакво насилство и наместо тоа да се искористат правните средства во земјата што се на располагање за мирно решавање на актуелните политички несогласувања.
– Мисијата на ОБСЕ апелираше до сите партии да ја почитуваат функцијата на Парламентот како место за мирен политички дискурс, како и да се воздржат од насилство. Исто така од критично важност е да се почитува правото на новинарите да ги извршуваат своите професионални обврски, рече амбасадорката Дрозд.