Пратеникот Панчo Минов од ГРОМ демантира дека ја напуштил коалицијата „За подобра Македонија“.
„Пратеникот си ја врши работата за што е избран. Неговото место е во Парламентот. Присуството во Собрание не значи дека сум ја напуштил коалицијата ‘За подобра Македонија’“, напиша пратеникот на Фејсбук.
Тој вчера присуствуваше на расправата на Комисијата за политички систем и односи меѓу заедниците. Неговите колеги од коалицијата, предводени од опозициската ВМРО-ДПМНЕ веќе речиси три недели ја бојкотираат работата на Собранието и не присуствуваат ниту на пленарни седници ниту на комисиските расправи.
