ДЗСИ врши вонреден инспекциски надзор во Клиничка болница-Битола, директорот во оставка

Од:

Тим инспектори од Државниот здравствен и санитарен инспекторат – ДЗСИ во ЈЗУ Клиничка болница-Битола денеска вршат вонреден надзор со цел да ги утврдат причините за смртта на новороденче на Одделението за гинекологија и акушерство во таа болница.

Од Министерството за здравство соопштија дека комисија од специјалисти гинеколози, неонатолог и анестезиолог, врши вонреден инспекциски надзор.

– Во врска со случајот со починатото новороденче во Клиничка болница Битола, информираме дека денеска Државниот санитарен и здравствен инспекторат врши вонреден инспекциски надзор. Комисијата е излезена на терен и во тек е надзорот за утврдување на текот на лекувањето на починатото новороденче. Истовремено е формирана и комисија за стручен надзор, составена од двајца специјалисти гинеколози, неонатолог, анестезиолог, како и претставник од Министерството за здравство. Директорот на Клиничка болница Битола, д-р Александар Обедниковски, утрово до Министерството поднесе неотповиклива оставка од морални причини, соопштија од Министерството за здравство.

Новиот т.н. здравствен инцидент во ЈЗУ Клиничка болница-Битола, што е регистриран неколку седмици по смртта на шестгодишното девојче Јана Христовска, која животот го загуби во Одделението за педијатрија во истата болница, предизвика револт во градот, кој утре во 17 часот повторно ќе биде искажан пред болницата со вклучување сирена и оддавање едноминутно молчење, известија организаторите на протестот.

Би можело да ве интересира

Синдикати бараат новиот министер за здравство да ги потпише анексите усвоени од Влада

Скопјани имаат најголеми, а жителите на Крушево најмали можности за здравствена заштита

Катерина Ѓуровски

Вработувањата на 1.117 лица во здравството не се предизборни, тие веќе работат по клиниките, тврди Ковачевски

Орце Костов

Ристески: Со одбивањето на амандманот од 20 милиони денари за подобрување на условите во Клиниката за радиотерапија и онкологија, власта покажа дека е против здравјето и животите на тие пациенти

МЗ: Значително унапредена раната детекција на најчестите малигни заболувања

Министерство за здравство: Одобрени дополнителни 1,6 милиони евра за Трикафта

Орце Костов