Министерството за здравство реагираше на текстот објавен на „А1он“ во кој се тврди дека тестовите за короавирусот чинат 4.590 денари, цена што е повеќекратно повисока од онаа што ја нудат приватните болници.
Реакцијата на Министерството за здравство ја пренесуваме во целост:
„Цената на набавката за тестовите е 1200 денари од тест. Министерството ги набави овие тестови во регуларна јавна набавка по нормална пазарна цена. Сумата од 4950 е цена по која Фондот за Здравство од Институтот, односно Центарот за јавно здравје ја купува услугата земање брис, во која цена се вградени и платите на луѓето и сите други трошоци на институтот како одржување на опрема и сл. За пресметка на оваа цена има јасна методологија по таканаречени Дијагностички сродни групи – ДСГ (DRG method) која се пресметува вредноста на услугата во фондот. И по оваа методологија се пресметуваат сите услуги кои ги плаќа Фондот ги купува од јавно здравствените установи обезбедувајќи бесплатно здравство за граѓаните“.