Министерство за одбрана: македонските војници во Либан се безбедни

Од:

Министерството за одбрана на Република Северна Македонија изрази длабоко сочувство за жртвите во разорната експлозија во Бејрут и потенцира дека нашите војници во УНИФИЛ во Либан се безбедни.

-Министерството за одбрана изразува длабоко сочувство за жртвите во разорната експлозија во Бејрут, Либан. Ве информираме дека припадниците на Армијата на Република Северна Македонија во мисијата на Обединетите нации во Либан, УНИФИЛ, се безбедни и сигурни, се наведува во соопштението на МО.

На мисија во Либан во моментов се ангажирани тројца припадници на Армијата, кои се распоредени и ги извршуваат своите задачи на безбедни локации надвор од Бејрут.

-По веста за повредени морнарички мировници во мисијата на Обединетите Нации во Либан, УНИФИЛ, чиј брод бил погоден во експлозијата на пристаништето во Бејрут, изразуваме надеж за побрзо закрепнување на мировниците и поддршка до земјите од каде тие потекнуваат, се додава во соопштението на Министерството за одбрана.

Би можело да ве интересира

(ВИДЕО) Во експлозија загина руски политичар кој учествувал во освојувањето на Мариупол

(ВИДЕО) Силна експлозија во кинеска хемиска фабрика, најмалку пет мртви

(ВИДЕО) Одекна експлозија во хемиска фабрика во Кина

Експлозија во Калифорнија: ФБИ го идентификуваше осомничениот

(ВИДЕО) Експлозија во Москва, има мртви и ранети

Несреќа во Солун: Експлодира бомба, настрада 38-годишна жена од Грузија