Наместо заедничка средба со градоначалниците на Охрид и Струга, Бакрачески и Села, министерот за економија Сарачини се сретна само со струшкиот градоначалник.
Средбата со Бакрачески е одложена поради велигденските празници за наредниот период. Министерот за eкономија, Ваљон Сарачини на средбата со струшките угостителски работнции и хотелиери и градоначалникот на Струга, Зијадин Села, им ги презентираше владините мерки и програми за развој и промоција на туризмот.
Беше разговарано и за реализација на одредени заеднички проекти кои би биле во насока на развој на туризмот и привлекување повеќе туристи. Сарачини ги запознал соговорниците со владината мерка за субвенционирање на тур-операторите кои добиваат субвенции во вредност од 20 до 65 евра за секој турист кој ќе го донесат од странство.