Министерот за правда Аднан Јашари денеска имаше работна средба со амбасадорот Ралф Брет, шеф на Мисијата на ОБСЕ во Скопје, на која станало збор за досегашната соработка и плановите за оваа година.
Како што информира Министерството за правда, Јашари го информирал Брет за досегашните и тековните активности на Министерството за правда. Амбасадорот Брет пак истакнал дека и во иднина очекува добра соработка со Министерството за правда во некои активности, дури и со забрзано темпо.
Искажувајќи благодарност за досегашната соработка, министерот Јашари изразил надеж дека и во иднина ќе продолжи помошта и асистенцијата во законските акти од мисијата на ОБСЕ во Скопје.