Министерот за информатичко општество, Иво Ивановски, ќе поднесе оставка и од септември ќе биде на одговорна позиција во приватна меѓународна компанија.
Во изјава за МТВ, Ивановски рече дека и на таа позиција ќе има можност да работи во интерес на Македонија.
Иво Ивановски е министер за информатичко општество од 2008. година кога за првпат овој ресор беше формиран како дел од кабинетот на премиерот. Неколку години подоцна на овој ресор му беше додаден и ресорот администрација.
Oд Владата засега не соопштуваат кој ќе го наследи Ивановски на функцијата министер за информатичко општество.