Министерот Џафери на состанок на Северноатлантскиот совет на НАТО во Брисел

Од:

Министерот за одбрана Талат Џафери денеска ќе се обрати на состанокот на Северноатлантскиот совет на НАТО во ИСАФ формат, на ниво на министри за одбрана, кој се одржува во Брисел.

Министрите за одбрана на НАТО и министрите за одбрана на земјите кои не се членки на НАТО, а придонесуваат во мисијата ИСАФ во Авганистан, на состанокот ќе го разгледаат прогресот во однос на транзицијата на одговорностите од НАТО на Авганистанските национални безбедносни сили.

Воедно, информираат од Министерството за одбрана, предмет на разговор ќе биде и ангажманот на НАТО по 2014 година, кога се предвидува целосно да заврши процесот на транзицијата на одговорностите.

Во рамки на состанокот министерот Џафери ќе ја поздрави одлучноста и посветеноста на НАТО и авганистанскиот државен врв во изградбата на националните одбранбени капацитети, и воедно ќе истакне дека Република Македонија го продолжува својот придонес во рамки на силите ИСАФ, и оти постои подготвеност за понатамошен придонес во новата мисија во Авганистан по 2014 година.

Би можело да ве интересира

НАТО би можело да се распадне, порака од Русија

Песков: Путин и Трамп никогаш не разговарале за заканата од Русија за НАТО

Левица: Македонија ќе одвојува 5% од БДП за туѓи војни, додека народот е во борба за преживување

Катерина Ѓуровски

Половина милијарда евра повеќе од буџетот за одбрана да ги инвестираме во домашно производство – министерот Муцунски на линија со позициите на ЛДП, велат од партијата

Иран е лут на шефот на НАТО

Макрон: Апсурдно е да се бара од Европа да троши повеќе додека е во трговска војна