Марк Руте: НАТО нема да учествува во акции против Иран

Од:

Генералниот секретар на НАТО, Марк Руте, денес изјави дека Алијансата нема да биде вклучена во американско-израелските воени акции против Иран, но оцени дека овие операции се важни бидејќи, како што изјави, ја намалуваат способноста на Техеран да стекне нуклеарни и балистички капацитети.

Во изјава за германската телевизија АРД, тој нагласи дека нема планови за вклучување на НАТО во тие операции.

„Апсолутно нема планови НАТО да биде вовлечен во ова или да биде дел од него, освен што поединечните сојузници прават сè што можат за да го овозможат она што САД го прават заедно со Израел“, истакна Руте.

Тој ја пофали акцијата на САД и Израел, нагласувајќи дека тоа „го намалува капацитетот на Иран да стекне нуклеарни капацитети и балистички ракети“.

„Она што САД го прават заедно со Израел е навистина важно, бидејќи ја ослабува способноста на Иран да постигне нуклеарни и балистички капацитети“, рече Руте.

Руте, денес во разговор со новинарите изјави дека Европа „апсолутно ги поддржува дејствијата на САД во Иран“, нагласувајќи дека Иран е закана за Европа, за Израел и за другите земји во регионот.

На прашањето дали одлуката на британскиот премиер Кир Стармер да им дозволи на САД да ги користат британските бази за напади врз Иран дошла предоцна, Руте одговори дека пред официјалното одобрување од Велика Британија, „правните аспекти на прашањето“ морале да се решат, пренесува Би-Би-Си.

Тој потврди дека пред интервенцијата на САД во Иран, имал бројни разговори со американски претставници и додаде дека официјален Вашингтон и НАТО воспоставиле „тесна координација“.

Би можело да ве интересира

Руски хеликоптер навлегол во финскиот воздушен простор по инцидент со руски брод во Балтичкото Море

Рјабков: Членството на Украина во НАТО е неприфатливо

Мицкоски во Берлин на состанокот посветен на Украина: Ја потврдивме поддршката за постигнување праведен и траен мир преку дијалог, дипломатија и координација со нашите сојузници

Бајден за потегот што го загрижи Кремљ: НАТО стигна до границите на Русија

Лавров: НАТО им нанесе голема штета на соседните земји

Романија предупредува на влошување на безбедносната состојба во Црното Море, бара поголема поддршка од ЕУ и НАТО