Советникот на премиерот Заев, Љупчо Зафировски лаже дека живее во Франција и зема плата од 1200 евра на сметка во Србија за да избегне плаќање данок, обвини пратеникот Антонијо Милошоски, незадоволен што долго чекал за одговор од премиерот на пратеничкото прашање. Тој дополнително денес го праша Заев дали знае за овие наводи и дали знае дека за овој случај веќе има пријава до Антикорипциска комисија.
„Премиере рековте дека вашиот советник живее во Франција, ама сепак неговото постојано живеалиште е регистрирано во Скопје, дали сакате да избегнете плаќање данок па овој советник платата ја прима во Србија?“, повтори Милошоски.
Заев одговори дека тој има право да ги бира своите советници и дека нивните биографии се јавно достапни, бо не кажа зошто платата на Зафировски се исплаќа во Србија.
„Зафировски е законски ангажиран и тој ја одредува сметката на која треба да му се исплаќа платата. Јас не можам да бидам истражен орган. Тој не е Жан Пјер, туку Љупчо Зафировски, наш граѓанин“, рече Заев.
Прашањето на Милошоски за Заев е прашање од претходна седница, а се уште не се почнати со нови прашања.
На денешната седница се пријавени 19 пратеници за прашање.