Пратеникот на ВМРО-ДПМНЕ, Антонио Милошоски изјави дека денеска сериозно ќе се разговара за договор околу законот кој ќе се однесува на специјалниот јавен обвинител.
-Разговорите се денеска сериозни – им рече на новинарите на влезот од Клуб на пратеници.
Милошоски за прв пат учествува во преговорите на работните групи. Од ВМРО- ДПМНЕ преговараат министрите Никола Поповски и Никола Тодоров, наспроти Радмила Шеќеринска и Оливер Спасовски од СДСМ. Како засилување на опозицијата овој пат присутна е и Цветанка Ивановска.
Во Клуб на пратеници пристигнаа и претставници од албанските партии. Средбата започна нешто по 14.00 часот. Присутен е и амбасадорот на САД, Џес Бејли.