Оставката на Никола Груевски ќе биде прифатена денес, бидејќи тој ја најави како неотповиклива, изјави Антонијо Милошоски пред одржување на Централниот Комитет на ВМРО-ДПМНЕ вечерва.
Тој најави дека денеска ќе се утврди дневниот ред на конгресот кој што е закажан на 23 декември. Милошоски најави дека денес ќе се утврди и рокот за доставување на кандидатури за избор на нов претседател на партијата.
– Кандидатурите претпоставува ќе треба да се поднесат неколку дена пред конгресот, а кандидатите ќе треба да ги исполнуваат условите согласни статутот на партијата, рече Милошоски.
– Статутот е тој што го имаат прифатено и изгласано сите членови, делегатите ќе бидат исти без да бидат менувани кои биле на претходниот конгрес. Помалку е битно новото име за претседателот на партијата повеќе е битен новиот концепт за делување на партијата како една здрава опозиција. Ќе видам дали ќе поднесам кандидидатура има време. Важно е да имаме добар избор, потенцираше Милошоски.
