Во програмата „Реално“ на ВМРО-ДПМНЕ има висок приоритет за потребите на студентите. Предвидуваме изградба на три нови студентски домови од кои едниот би бил во Тетово, а во два во Скопје, изјави денес Антонио Милошоски од ВМРО-ДПМНЕ, носител на листа во ИЕ5.
– Едниот ќе биде во близина на спортскиот центар „Борис Трајковски“, а другиот на местото на поранешниот студентски дом Медицинар. Истовремено, веќе е во тек процедура за набавка на инвентар и сите постоечки студентски домови да бидат обновени за да се згоелеми и подобри квалитетот за престој и учење, вели Милошоски.
Истовремено, додава тој, тоа што го најавувавме е зголемување на фондот за стипендии за студентите и оние кои се талентирани ќе може да сметаат на фонд од 11 милиони евра.
– Продолжуваме со една сериозна и реална поддршка за секој македонски студент, потенцираше Милошоски.