(ВИДЕО) Миленко Неделковски: Не сум виновен

Од:

Новинарот и водител, Миленко Неделковски, денеска првпат седна на обвинителна клупа како обвинет за ширење расистички и ксенофобичен материјал на интернет.

На Неделковски му суди судијата Марин Станевски, кој го суди и случајот со смртта на малата Тамара. Судењето почна со задоцнување поради тоа што судијата ги бараше дозволите за снимање од судската полиција.

Обвинителот Александар Марковски рече дека Неделковски, за кого е поднесен обвинителен предлог до судот е обвинет дека на 24.07.2018 година, преку компјутерски систем, во јавноста ширел ксенофобичен пишан материјал со кој промовирал омраза против група врз основа на етничка припадност.

Обвинетиот како јавна личност – новинар, на неговиот јавен профил на „Фејсбук“, објавил коментар по повод пожарот на грчкиот полуостров Атика во кој имаше човечки жртви. Неделковски, според обвинението, со коментарот промовирал омраза кон Грците како етничка група, кои биле засегнати од катастрофалниот пожар. За ова кривично дело, во Кривичниот законик, предвидена е казна затвор од една до пет години.

Неделковски пред судот рече дека не се чувствува виновен.

Васко Маглешов

Би можело да ве интересира

Миленко Неделковски на 17 јануари на суд за ширење ксенофобија

Наум Локоски

Кривична пријава против Миленко Неделковски за коментари со кои ја загрозил сигурноста на Заев

Наум Локоски

Неделковски: На врата ми е дојдена полиција да ме уапси

Наум Локоски

Обвинение против Миленко Неделковски за статусот на „Фејсбук“ за жртвите од пожарот во Грција

Ана Ололовска

Неделковски за пратеници на ВМРО-ДПМНЕ: Не предадовте проклетници

Ана Ололовска

(ВИДЕО) Неделковски до пратениците на ВМРО-ДПМНЕ: Зошто молчите, за Македонија се оди и во затвор

Наум Локоски