Мијалков задржан во „Систина“ откако се пожалил на болки во стомак

Од:

Поранешниот директор на УБК и притвореник Сашо Мијалков ќе биде задржан во приватната клиника „Систина“, откако бил однесен поради поплаки дека има болки во стомакот. Тој ќе преноќи таму за да му се направат прегледи на абдоменот, по што ќе се одлучи дали ќе се третира во болница или ќе се лекува во затворот „Скопје“ во Шутка. Директорот на затворот, Филип Андов, за „А1он“ вели дека Мијалков се нема пожалено кај домскиот доктор на проблеми со здравјето, за да добие соодветен третман.

„Се нема пожалено кај домскиот лекар, го нема ниту прегледано. По барање на одбраната до судија на претходна постапка е тој е однесен на прегледи во приватна клиника“ вели Андов.

Ова е втор пат како во еден месец Мијалков бара да биде однесен на прегледи во болницата „Систина“. Првиот пат се жалеше на проблеми со очите, печење и црвенило. Тогаш, не беше задржан и откако му беа направени прегледи беше веднаш вратен во затворот.

Ексдиректорот Мијалков беше спроведен во затворот во Шуто Оризари на крајот на февруари откако му беше изречена казна затвор од 12 години за масовното прислушување, односно судскиот процес „Таргет – Тврдина“. Притворот му беше продолжен сè до пресудата за судскиот процес „Трезор“ за набавката на опремата за нелегално прислушување каде што обвинителите одново побараа притвор за Мијалков сè до правосилност на пресудата. За случајот „Трезор“ Мијалков доби казна затвор од 8 години, која сè уште не е правосилна. Вкупно, за двата предмети, Мијалков има 20 годишна затворска казна која не е правосилна. Последно, тој доби ослободителна пресуда за предметот „Тортура“ за апсењето на Љубе Бошковски.

Би можело да ве интересира

Алек Теранова кажа дека нема доказ оти Мијалков му барал да ги купи плацевите и становите за Груевски

Кристијан Ландов

Камчев и Мијалков ги гледале доказите за „Империја“, предметот се поблиску до обвинение

Кристијан Ландов

Мијалков по осум дена во „Систина“ вратен во затворот во Шутка, добил терапија против стомачни киселини

ВИДЕО: Со ослободувањето на Мијалков и „алфите“, судијката Александра Ристеска ја демонтира третата „бомба“ на Заев

Маја Илиевска-Пачемска

Мијалков од затворот во Шутo Оризари пренесен во „Систина“

Кристијан Ландов

Мијалков останува во затворот во Шутка, милионите не се гаранција дека нема да избега