Мијалков не може да се снима со видео и аудио опрема, а куќата му е опколена со 20 полицајци

Од:

Обвинетиот Сашо Мијалков во “Таргет-Тврдина”, не се следи со видео и аудио надзор како што определи Кривичниот суд, туку издржува куќен притвор со физичко обезбедување. Министерството за внатрешни работи испратило известување до судот за неможноста да ги спроведат бараните мерки. Непознато е што тие одговориле . “А1он” дознава дека околу 20 припадници на полицијата во една смена, го чуваат објектот на Водно, каде Мијалков издржува притвор. Од МВР велат дека обвинетиот ексдиректор на УБК, нема ниту електрична алка за ГПС-следење, бидејќи полицијата нема таква опрема.

“Во врска со Вашите прашања, Ве известуваме дека СВР Скопје нема технички можности/опрема за видео и аудио надзор над почитувањето на мерката за што и соодветно е известен Основен суд Скопје 1. Решението се реализира со физичко обезбедување во текот на целот деноноќие, континуирани проверки, но и проверка на влез и излез на секој кој влегува и излегува од домот на Сашо Мијалков”, велат кратко од МВР.

Видео и аудио снимањето на Мијалков додека е во куќен притвор му беше одредено во замена затворски притвор. Иако избега и се бараше со меѓународна потерница, а потоа се врати и кажа дека бил во изолација, одлуката за обезбедување на присуство поради опасност од бегство – не се промени. Обвинителството за гонење на организиран криминал и корупција ја повлече жалбата со која барашњ од Апелација определување на построга мерка, односно спроведување на Мијалков во истражен затвор каде би бил се до пресудата за “Таргет-Тврдина”, закажана за во петок.

Би можело да ве интересира

ВИДЕО: Осум години затвор за Сашо Мијалков во случајот „Трезор“

Кристијан Ландов

Пресудата за „Трезор“ ќе биде објавена идната недела

Жарко Настоски

Мијалков да се ослободи од обвинение, побараа неговите адвокати

Мијалков во Лондон не договарал набавка на опрема за УБК, тврди неговата одбрана

Катерина Павлова-Николовска

Филип и Александар Мијалков: Не е точно дека сме претепале момче – нападнат беше наш пријател, ние ја смирувавме ситуацијата

Нападнат синот на Влатко Мијалков, натепаниот скопјанец му го демолираше возилото

Ландов