Екс-директорот на УБК и поранешен висок функционер во ВМРО-ДПМНЕ, Сашо Мијалков на денешниот состанок на Централниот комитет на ВМРО-ДПМНЕ бил исклучен од партијата, по што следувале овации од присутните.
Како што изјави Александар Николоски од ВМРО-ДПМНЕ, било побарано од општинскиот комитет Мијалков да биде исклучен поради соработка со Зоран Заев во обезбедувањето на двотретинско мнозинство за уставните измени.
– Сакам да ја честитам новата криминална власт – Зоран Заев, Вице Заев и Сашо Мијалков, рече Николоски кој кажа дека ексдиректорот на УБК учествувал во поткупот на пратеници за да гласаат за уставните измени.
