Мицкоски во одбрана на Јанкулоска: Горде е осудена без докази бидејќи не одбра да биде слуга на Заев

Од:

Лидерот на ВМРО-ДПМНЕ, Христијан Мицкоски застана во одбрана на ексминистерката за внатрешни работи, Гордана Јанкулоска, откако, Врховниот суд и ја потврди четиригодишната затворска казна која и ја изрече Апелациониот суд. Мицкоски тврди дека Јанкулоска е судена без докази, бидејќи одбрала да не му слугува на премиерот и лидер на СДСМ, Зоран Заев.

Мафијата на власт потроши над 8 милиони евра за службени возила, а за набавка на едно службено возило кое го користи…

Posted by Hristijan Mickoski on Петок, 18 септември 2020

„Мафијата на власт потроши над 8 милиони евра за службени возила, а за набавка на едно службено возило кое го користи власта на Заев, Гордана Јанкуловска ќе оди во затвор. Ја судеа без докази затоа што не одбра да биде слуга во скутот на Заев. Ова не е никаква правда, туку начин да се оттргне вниманието од вистинските скандали, криминали и неуспеси на мафијата на власт. Јанкулоска беше генерален секретар на ВМРО-ДПМНЕ и тука таргетот не е Јанкуловска, туку ВМРО-ДПМНЕ. Оваа одлука на судот е ден по раскрвавената глава на Палевски, и откако целокупното судство и истото обвинителство ги пропушти и амнестираше сите скандали на мафијата. И не заборавајте, Горде е мајка на еден мал ангел, но и ова ќе помине, а срамот на Заев и мафијата за ваквата тортура ќе остане. Мафијата не треба да се плаши од освета, туку од правда, а таа ќе дојде“, напиша Мицкоски.

Врховниот суд по една година вонредно преиспитување на предметот „Тенк“, ја потврди четиригодишната затворска казна која и беше изречена на ексминистерката за внатрешни работи, Гордана Јанкулоска. Со донесувањето на пресудата, Јанкулоска ќе треба да се упати на издржување на затворската казна.

Би можело да ве интересира

Со ЗНАМ се водат преговори за заеднички настап и поддршка на градоначалници и за советнички листи, тврди Мицкоски

Мицкоски: После локалните избори постои серозна опасност дали СДСМ ќе продолжи да постои

Се градат 11 градинки со капацитет за 1.100 дечиња, вели премиерот Мицкоски

Мицкоски: Немојте да заборавите од каде потекнуваме, од каде доаѓаме и каде ќе се вратиме по сето ова

Филипче: Добро е што Мицкоски сфатил дека народот има очи да гледа и памет да размислува

(ВИДЕО) Мицкоски: Бугарија има можност да се докаже на 24 јуни, па како добри соседи да ги градиме односите