Премиерот Христијан Мицкоски денеска по посетата на реконструираното одделение за систематски преглед во Институтот за јавно здравје најави дека следната недела би требало да се заврши процедурата за именување на новите министри во Владата.
Првата половина на јули, информира тој, ќе се знае и кандидатот за градоначалник на Град Скопје, од редовите на ВМРО – ДПМНЕ.
На новинарско прашање дали за кандидат за градоначалник на Градот Скопје ќе биде министерот за локална самоуправа Златко Перински, градоначалникот на Општина Кисела Вода Орце Ѓорѓиевски или трето лице и што говорат внатрешните партиски анкети, Мицкоски дециден дека партијата се уште не донела одлука кој ќе биде кандидатот за градоначалник на Град Скопје.
– Но, од она што можам да го видам од анкетите, кој и да биде кандидат, е секако подобар од најдобриот од страна на опозицијата, изјави премиерот Мицкоски.
По барање на новинарите за коментар за изјавите и критиките кон Владата од страна на Арбен Таравари, премиерот Мицкоски одговори дека „за жал тој самиот за себе претставува едно големо разочарување“.