Претседателот на ВМРО-ДПМНЕ Христијан Мицкоски денеска во Будимпешта се сретнал со премиерот на Унгарија Виктор Орбан информираат од ВМРО-ДПМНЕ.
– На средбата се разговараше за ЕУ интеграциите на Македонија. Претседателот Мицкоски го истакна ставовот на ВМРО-ДПМНЕ и на македонскиот народ дека интеграцијата е неопходна, но таа да биде достоинствена и со зачувување на идентитетските обележја на народот се вели во информацијата од партијата.
Забележано беше дека Македонија и ЕУ ги очекува најтешката зима во историјата, со големи потешкотии на енергетски план, во снабдувањето со енергенси. Мицкоски му кажал на Орбан дека владата во Македонија не ги прави потребните чекори во справување со енергетската криза, не се обезбедуваат навремено јаглен, мазут, гас и нафтени деривати, туку кога ќе дојде пикот на кризата се даваат големи суми на пари неколкукратно над тоа што можело да се потроши ако на време се обезбеделе истите тие ресурси.
Мицкоски и Орбан зборувале и за мигрантската криза.