Денеска е тежок ден и за Македонија, и за сите нас. Нема зборови со кои што можам да ја изразам сопствената болка. Нема зборови со кои што може да се изрази болката, а истовремено да се утешат најблиските кои што за жал изгубија двајца луѓе, драги луѓе рече лидерот на ВМРО-ДПМНЕ Христијан Мицкоски пред лидерската средба во Собранието.
– И навистина претставува за мене тежок момент и како родител, и како човек. Посебно сум разочаран и згрозен од тоа што бев избрифиран, а и делумно го гледав, а што претставуваше прес конференција на оние двајца луѓе пред некоја минута. Таму слушнавме енциклопедиски информации без ниту еден конкретен доказ, без ниту нешто кое што МВР требало и Обвинителството да го преземат.Тежок ден и навистина мое големо сочувство, најдлабоко сочувство до семејствата на трагично загубените човечки животи, рече Мицкоски во врска со грозоморните убиства на Вања Ѓорчевска и на Панче Жежовски и прес конференцијата на министерот Спасовски и на обвинителот Бубевски.