Претседателот на ВМРО-ДПМНЕ, Христијан Мицкоски придружуван од Меѓународниот секретар Тимчо Муцунски, оствари средба со Директорката на Фондацијата Јарл Халармарсон, Ева Густавсон, и Заменик Директорот Јенс Ахл.
Фондацијата Јарл Халармарсон е Полиичка Фондација на сестринската Партија на ВМРО-ДПМНЕ од Шведска, Модератерна.
Мицкоски и Густавсон се осврнаа на идната соработка помеѓу ВМРО-ДПМНЕ и Модератерна, која се очекува во престојниот период да се одвива со засилена динамика.
Мицкоски ја информираше Густавсон за актуелната политичка состојба во Република Македонија, и тоа за растот на корпуцијата, селективното и политизирано правосудство, политичките вработувања во јавниот сектор, и за севкупната појава на заробена држава.
Мицкоски и Густавсон се согласија дека патот на Република Македонија треба да биде насочен кон членство во Европската унија и дека ВМРО-ДПМНЕ треба да продолжи да дава придонес кон процесите кои подразбираат европеизација на македонското општество.