Мицкоски: Каде се седум пратеници од мнозинството, дали тие ќе гласаат за друга Влада

Од:

Лидерот на опозициската ВМРО-ДПМНЕ, Христијан Мицкоски при посетата на индустриската зона Чојлија упати прашање до власта, каде и се седумте пратеници кои не гласаа за поддршката на вицепремиерот Димитров на собраниската седница кога се разгледуваше предлогот за неговата интерпелација. Мицкоски порача дека ова покажува дека тие пратеници наскоро би гласале за друго мнозинство или нова Влада.

„Она што се покажа на интерпелацијата на Димитров е дека Заев ја нема довербата од 62 пратеника. Што значи ако денеска би се гласала доверба на Владата тој нема да помине, затоа што ќе има само 55 пратеника. Така што наместо да се извртуваат тезите, треба да се запраша каде исчезнаа седум пратеници кои пред само шест месеци го гласаа Никола Димитров. Да не се случи тие шест или седум пратеници понатаму да гласаат за друга Влада или за некое друго парламентарно мнозинство и тоа набргу денес“ рече Мицкоски.

Тој уште еднаш го повтори ставот околу спроведувањето на пописот, дека преку собирање на потписи и поднесување Закон во Собранието ќе бараат поништување на донесениот закон за попис. Според него, нема потреба од спроведување на ова статистичка операција во време на пандемијата и предлага таа да се изврши електронски со споредување на базите на податоци што ги имаат надлежните институции.

Би можело да ве интересира

ВМРО-ДПМНЕ: Нашите советници гласаа за сите одлуки предложени од Арсовска поврзани со Комунална хигиена

Арсовска: Кадрите на Мицкоски се надлежни за Комунална, тие се во Управниот одбор и во Советот на градот

СДСМ: ВМРО-ДПМНЕ би имале 52 пратеници а СДСМ 21, изгубија 140.000 гласови и попусто лажат со весели математики

ВМР0-ДПМНЕ: Ако утре има парламентарните избори, ќе освоиме над 60 пратеници, а СДСМ би била во некои изборни единици трета партија

ВМРО-ДПМНЕ: Освоивме 550 советнички места, повеќе за 82 од минатите локални избори, а СДС освои само 230 советника, што е помалку за 166

Митева: Итна реакција од сите надлежни институции за скандалозното однесување на Дехари