Мицкоски до Ковачевски: Не бегај од дебата, ајде да ги соочиме аргументите за договорот за изградба на коридорите

Од:

Претседателот на ВМРО-ДПМНЕ, Христијан Мицкоски после денешната средба во Сојузот на стопански комори на Македонија со работна тема „Актуелните економски состојби и предизвиците пред инфраструктурните проекти и инвестиции“ одговараше и на новинарски прашања.

Мицкоски беше запрашан дали очекува премиерот Димитар Ковачевски да ја пријати неговата отворена покана за јавна дебата за договорите за коридорите 8 и 10-Д, при што посочи Ковачевски да не се крие и да не бега од Македонија, како што направи со актуелното долго патување, туку да се врати и пред македонската јавност да дискутираат за суштината на договорите.

Истакна дека суштината на овие договори е болна за сите генерации, дури и за оние кои не се родени.

„Јас многу пати во изминатиот период сум го повикувал, еве и оваа прилика ја користам да излеземе заедно пред македонската јавност, да дебатираме за суштината на договорите, бидејќи таа суштина ќе биде болна за сите генерации и оние кои што се неродени. Нека не се крие, нека не бега од Македонија. Знаеме дека е на подолго патување, на спринбринг патување, нека се врати, нека дојде да излеземе пред македонската јавност и да дебатираме. Ако ме убеди и ако ја убеди македонската јавност, тогаш опозицијата манипулира, како што тие љубат напати да речат во своите изјави од коалицијата ДУИ-СДСМ, но ако јас го разубедам, тогаш очекувам да понесе одговорност“, рече Мицкоски.

Би можело да ве интересира

ДУИ: Мицкоски стравува од победничкиот Европски фронт

Катерина Ѓуровски

ВИДЕО: Време е за 90 пратеници и една изборна единца порача Мицкоски во промоцијата на изборната програма

Катерина Ѓуровски

Ковачевски ги соопшти носителите на изборните листи за парламентарните избори

Предраг Петровиќ

ВМРО-ДПМНЕ: Владата во заминување повторно удри по граѓаните, Ковачевски со 2500 евра апанажа не чувствува глад

Ковачевски: Скопје е развластен град, лажни беа ветувањата на ДПМНЕ за современ град

Ковачевски: Владата подготви закон за рестриктивни мерки, Милошоски да го стави на комисија