ВМРО-ДПМНЕ испратила барање до Собранието во кое се бара на Христијан Мицкоски да му се овозможи да се обрати пред пратениците за уставните измени.
– Со оглед на фактот што во овие моменти во законодавниот дом се расправа за потребата од Уставни измени кои имаат суштинско влијание, политичката криза во која влегува нашата земја како и значајноста која овој период ја има за иднината на Република Македонија, како и со оглед на сензитивниот момент, вниманието и контраверзите што ја предизвика оваа дебата во јавноста, ВМРО-ДПМНЕ како најголема политичка партија која е во опозиција, и чиј што Претседател, проф. д-р Христијан Мицкоски не е пратеник, а со тоа е оневозможен пред народните преставници да ги изрази своите погледи и ставови кон ова чуствително прашање, испраќаме барање да се овозможи негово обраќање на тековната пленарна седница по однос на предложените уставни измени.
Партијата ова барање го темели на правото кое го овозможува Деловникот за работа на Собранието, каде согласно член 72, став 2 од Деловникот овозможува Претседателот на Собранието да (цитираме) „може да покани на седницата на Собранието да присуствуваат и во работата да учествуваат претставници и на други органи и организации”.
Мицкоски во сите свои настапи досега кажа дека нема никој од ВМРО-ДПМНЕ нема да подржи уставни измени со цел промена на уставното име.
Кристијан Ландов