Министерството за финансии ги демантира тврдењата на општина Центар дека не се дадени согласности за вработување на персонал за градинката „КочоРацин”.
– Барањето за согласност од Општина Центар преку Министерството за труд и социјала до Министерството за финансии е доставено на 10 декември. Министерството за финансии во законскиот рок од 30 дена одговори позитивно на барањето, односно издаде согласност за вработување на 11 лица – воспитувач, негувателки, хигеничари, готвач и помошник готвач, наведуваат од Министерството за финансии.
Во демантот додаваат дека не ја гледаат причината за реакција на Општината во медиумите.