Во Македонската академија на науките и уметностите (МАНУ) денеска д-р Мелани Реин од Кембриџ, Велика Британија одржа предавање на тема „Согледби за предавството“.
Предавањето на Реин е засновано врз теоријата на Карл Густав Јунг, а се однесува на предавството и на неговите манифестации, како на индивидуално, така и на колективно рамниште.
Реин истакна дека работи со клиенти, на нивните животи и соништа и оти не користи клинички материјали. Во своето предавање наведе примери од Библијата, од митовите и сказните.
Академик Катица Ќуљафкова информира дека Мелани Реин е во Македонија со поддршка на Одделението за лингвистика и книжевна наука и со Претседателството на МАНУ.
Мелани Реин ја почнала својата кариера на Универзитетот во Кембриџ, а потоа го напуштилa со цел да се посвети на практична дејност и на истражувачка дејност од меѓународен карактер низ светот, на големи истражувачки проекти. Ја завршила книгата за предавството и таа студија наскоро ќе биде објавена во Велика Британија.