Претседателот на грчкиот парламент Вангелис Меимаракис, одговори на писмото што неодамна му го испрати неговиот македонски колега , Трајко Велјаноски.
„Верувам дека развојот на добрососедските односи е од огромно значење. Довербата што е изградена врз основа на конструктивни активности и вистински намери е најдобар начин да се осигура ветувачка и светла иднина за сите граѓани во нашиот регион“, напиша Меимаракис
Тој се обврзува дека како претседател на грчкиот парламент ќе придонесе да се создаде клима на доверба и соработка меѓу двете земји. На поканата од Вељаноски да ја посети Македонија, Меимаракис вели дека ќе ја разгледа во рамките на неговите обврски.