Преку улица во Собранието, владејачкото мнозинство се обидува да не убеди дека кратење во буџетот за здравство во новиот ребаланс е неопходно бидејќи нема средства, а само да погледнат од прозорците ќе ги најдат тие 10 милиони евра, излеани во оваа естетска нелогичност што ја гледаме околу нас, реагираа од СДСМ.
Веднаш следуваше одговор од ВМРО ДПМНЕ.
„Ние го направивме овој монументален споменик, ние ги направивме и оние фонтани, ние го направивме и оној булевар, оној кружен тек, го реновираме ова Собрание пред нас, ние во оваа (Градската) болница обезбедивме најсовремена медицинска опрема, и обезбедивме медицинска опрема за скоро сите болници низ Македонија во износ од 100 милиони евра, како што само за оваа година дадовме 130 милиони евра за субвенции во земјоделие, а во изминативе 6 години над 700 милиони, додека СДСМ даваше само 6 милиони евра“.
