Виница е домаќин на 23-от Симпозиум на археолозите организиран од Македонското археолошко друштво, на кој учествуваат педесетина археолози од Македонија Бугаиоја и Словенија.
Тие заклучија дека научните сознанија до кои доаѓаат археолозите со долгогодишните истражувања не допираат доволно до јавноста и дека општините мора да градат стратегија како да го развиваат археолошкиот туризам и да прават профит.
Според Виктор Лилчиќ, директор на Управата за заштита на културното наследство, секое археолошко истражување е комплетно со соодветна конзервација и печатен научен труд кој има цел да допре до јавноста, а конзервацијата на археолошките локалитети е адут повеке за развој на туризмот.
– Препознатливите и уникатни икони, како и археолошкото богатство на Виничкиот крај кој брои над 100 археолошки локалитети, се мотив повеќе како локална власт да се трудиме за отворање на уште еден музеј во Виница. Покрај археолошкиот локалитет Виничко Кале и познатите теракотни икони, се позначаен археолошки локалитет станува и Коколов Рид, недалеку од градот, истакна Емил Дончев, градоначалник на општина Виница.
Симпозиумот се одржува под покровителство на Министерството за култура, Музејот теракота и општина Виница.