Општина Центар, заедно со Европската асоцијација за локална демократија – АЛДА Скопје организираат денеска меѓународен семинар „Отворено владеење: принципи, методи и дигитални алатки“, во рамки на проектот „РЕКОВ: Обмислување заеднички вредности за јавни политики“.
Семинарот, како што најавија организаторите, ќе го отворат заменик-министерот за локална самоуправа Дејан Павлески и градоначалникот на општина Центар Саша Богдановиќ.
Семинарот е првиот меѓународен настан што се организира во рамки на проектот. Целта е да се претстават добри практики на користење на дигитални алатки со кои јавните институции може да бидат поотворени, со фокус на употребата на новите технологии.
Проектот е финансиски поддржан од програмата на Европската унија „Европа за граѓаните“, а општина Центар е носител на проектот.
