Македонското друштво „Илинден“ со седиште во Тирана,остро реагираше на изјавата на албанскиот историчар Арбен Лала, кој сопругот на актуелната министерка за образование Линдита Никола, по потекло Македонец, го нарекува славо-македонски екстремист, а друштвото „Илинден“ словенско, финансирано од Груевски и Мијалков.
-Сопругот на Линдита Никола, Лигор Никола, е еден славо-Македонец, словенски екстремист, кој има територијални претензии кон Албанија, основач и почесен претседател на словенското друштво „Илинден“, со години финансирано од Груевски и Мијалков,- обвинува Лала.
МД „Илинден“ целосно ја отфрла ваквата изјава.
-Остро ја осудуваме изјавата, која е целосно неточна, преполна со невистини и негови халуцинаци и апелираме до Лала и до сите сомнителни кругови да престанат со фабрикувани изјави. МД „Илинден“ бара од Владата на премерот Еди Рама и од мисијата на ОБСЕ да интервенираат кон ваквите личности, кои предизвикуваат омраза кон малцинствата, се навдува во реакцијата на „Илинден“.
Друштвото бара Арбен Лала да ја повлече изјавата и јавно да се извини, зашто во спротивно ќе поднесе кривична пријава за поттикнување омраза.
-Македонското друштво „Илинден“ дава голем придонес во заштитата на правата на Македонците во Република Албанија и негувањето на добрите меѓуетнички односи во земјата. Силно е определно и работи на унапредување на односите и соработката меѓу Македонија и Албанија, се наведува во реакцијата, потпишана од претседателот Никола Ѓурѓај.
Инаку, Лигор Никола, по потекло од селото Врница, област Голо Брдо, е универзитетски професор и Декан на Природно математичкиот факултет во Тирана.
Историчарот Лала со обвинувања и за актуелниот министер за Европа и надворешни работи Дитмир Бушати,кого го менува со Димитр-Дитмир Бушати, за чија сопруга вели дека е грко-Влаинка и додава дека не е случајно што Грција бара бришење на името Чамарија од учебниците во Албанија и промена на историјата на Албанците.