Повозрасна двојка од Молдавија, маж и жена, се тешко повредени во несреќата што им се случила на патот од Охрид накај селото Велестово, соопшти охридската полиција.
63-годишниот маж и 60-годишната жена попладнето околу 18 часот излетале од планинскиот пат на местото наречено Крстец, по што се пренесени во болницата „Свети Еразмо“, се вели во полициското соопштение.
„На 16.06.2021 во 22.10 часот во СВР Охрид било пријавено дека во Болницата „Св.Еразмо“ во Охрид со тешки телесни повреди биле донесени М.Ц.(63) од Романија и Т.Ц.(60) од Р.Молдавија. Полициски службеници излегле на местото на настанот и констатирале дека околу 18.00 часот М.Ц., кој управувал моторно возило четирицикл „цфмото“, со охридски регистарски ознаки, во кое сопатничка била Т.Ц., на место викано „Крстец“ кон с.Велестово, изгубиле контрола над возилото и излетале надвор од коловозот“, велат од полицијата, која извршила увид на местото на несреќата.