Основното јавно обвинителство Гостивар поднесе обвинителен предлог против 42-годишно службено лице – виш референт – матичар во Подрачна канцеларија Гостивар за продолжено кривично дело – Злоупотреба на службена положба и овластување.
Како што соопшти Јавното обвинителство, искористувајќи ист траен однос и исти прилики, обвинетиот, спротивно на одредбите од Законот за заштита на личните податоци и од Законот за матична евиденција, издал извод од книга на венчани и три изводи од матична книга на родените иако знаел дека лицето на кое ги издава документите не е законски застапник или полномошник на лицата на кои тие документи се однесуваат.
Со ова обвинетиот ја искористил својата службена положба и неовластено ги открил и направил достапни личните податоци на лицата содржани во изводите.