Започна маршот организиран од Самостојниот синдикат на новинари и медиумски работници, како знак на солидарност со Република Франција и осуда на масакрот во Париз во просториите на сатиричниот магазин „Шарли Ебдо“.
Собирот е инициран од повикот на Меѓународната федерација на новинари, Европската федерација на новинари и на француските новинарски синдикати како и на бројни синдикати на новинари од Европа, кои ги повикаа сите колеги масовно во недела 15 часот да учествуваат на маршот во чест на убиените новинари и на другите жртви во масакрот во Париз во просториите на сатиричниот магазин „Шарли Ебдо“.