Во општина Илинден Левица испишува историја – со кандидатот за градоначалник, Марјан Маринковски, за првпат Левица настапува со кандидат за градоначалник и оди кон убедлива победа”, беше истакнато на средбата со граѓани во општина Илинден, на која, покрај кандидатот за градоначалник, Марјан Маринковски, и носителот на советничка листа на Левица, Ацо Христовски, присуствуваа и претседателот на ПП Левица, проф. д-р Димитар Апасиев, пратеникот Борислав Крмов, како и останатите кандидати за советници.
Кандидатот за градоначалник Марјан Маринковски истакна дека веднаш ќе поднесе иницијатива – бранителите да бидат ослободени од комуналните давачки.
-Мојата работа ќе биде сведена на многу проекти со акцент на патната и канализационата инфраструктура во источниот блок на општината каде што сите населени места се запоставени. Во Програмата на Левица е предвидена изградба на Спортско – рекреативен центар, кој досегашните власти го ветувале цели 29 години”, истакна кандидатот за градоначалник од Левица, Маринковски.
Левица се залага и за изградба на спортски терени и паркови површини, бидејќи, како што вели Маринковски, територијата на општина Илинден е бетонизирана – само 3 улици се градат другите се во кал и прашина. Целта на Левица е, главно, задржување на младите во Општината.
Носителот на советничка листа на Левица, Ацо Христовски, кој е и актуелен модератор на ЛО Илинден на средбата рече дека како дипломиран филолог веб – програмер е запознат со сите проблеми и ситуации со кои локалното население се соочува.
,,Доаѓам од Бунарџик каде што поради еден проект што се спроведува, на народот му го блокираат единствениот пат до нивните домови – манипулираат со луѓето, бидејќи тој надвозник место да се направи за година – година и пол, од тоа нема ништо”, рече носителот на советничка листа на Левица, Ацо Христовски.
Христовски го спомена проблемите со: канализација во поголемиот дел од општината; катастрофалнта инфраструктура; минималното вложување во централниот дел и немањето асфалт на малите населби.
На средбата беше потенцирано дека Левица има одлична програма за општина Илинден, креирана од самите жители.