Маринакис: Другата страна не ги почитува основните работи, односно името на земјата, која не се вика Македонија, туку Северна Македонија

Од:

Другата страна не се придржува ни до основните работи, не ги почитува основните прашања, како што е името на земјата која не се вика Македонија, туку Северна Македонија, рече портпаролот на грчката Влада Павлос Маринакис на денешниот редовен брифинг со новинарите, јави дописничката на МИА од Атина.

Маринакис уште еднаш ги повтори грчките позиции, упати критики до СИРИЗА поради инсистирањето меморандумите да бидат ратификувани во Парламентот и порача дека засега, нема да се случи тоа бидејќи се преговарачко оружје за грчката страна.

-Од моментот кога постојат некои преговарачки оружја што сè уште се на маса, едно е пристапните преговори, пристапниот процес на Северна Македонија во Европската Унија што е опишано во едно од трите меморандуми, очигледно не продолжуваш напред, чекаш и бараш од другата страна да ги почитува, прво основните работи, односно како се вика оваа земја. Не се вика Македонија, се вика Северна Македонија, според Договорот од Преспа. Па во продолжение гледаш како ќе продолжиш, рече Маринакис во однос на меморандумите.

Повтори дека иако Нова демократија беше „против лошиот Договор од Преспа“ и гласаше против како опозиција, тогаш објасни дека „ако се изгласа и ратификува ќе треба да се имплементира“.

На новинарско прашање дали официјална Атина ќе преземе конкретни чекори на следниот НАТО самит во јули во случај да не се почитува Договорот од другата страна, Маринакис рече дека не треба да се брза, ќе почекаат да видат како ќе се развиваат работите, но и посочи дека „премиерот има покажано дека не прави ни најмала отстапка во суверените права и националните интереси на земјата“.

Би можело да ве интересира

СДСМ: Скандалозен тендер на Тошковски од 4 милиони евра за фирми регистрирани пред тендерот

Кривични пријави против лица од Пробиштип и Свети Николе за кражби од цркви

Левица: Тошковски продолжува со алармантни тендери-милиони ќе се слеат во блокирани и фантом фирми

Предраг Петровиќ

ВМРО-ДПМНЕ прашува зошто Венко Филипче е изземен од случајот „Онкологија“

Посебен режим на сообраќај во недела во Скопје

Филипче: Позади кредитот од шест милијарди евра се крие антологиски грабеж

Предраг Петровиќ