Изградба на детска градинка, игралиште за деца, проширување на улица „41“ и сообраќајна сигнализација на сите улици/булевар во населбата, субвенционирање за набавка на печки за греење на еколошки горива се дел од мерките што ги ветија Златко Марин, кандидатот за градоначалник на општина Аеродром и Петре Шилегов, кандидатот за градоначалник на Град Скопје на СДСМ и Коалицијата, денеска на средби со локалните жители од населба Лисиче.
Посочија дека во соработка со Град Скопје ќе се овозможи подобар квалитет на живот во населба Лисиче, а како дел од предизборната програма за населба Лисиче меѓу мерките кои се предвидени во изборната програма се и субвенции за ископ на бунари или мотори за наводнување, комунален ред и хигиена на високо ниво, поставување контејнери ‒ надземни и подземни по европски стандарди и контејнери за селективен отпад, комунален ред и хигиена на високо ниво, формирање на општинско комунално претпријатие.
Марин ветува и реконструкција на сервисните улици и атмосферската канализација во населбата. Санација и редовно чистење на Усјанскиот канал во соработка со Град Скопје, обнова на системот за водоснабдување во соработка со Град Скопје, како и мерки за намалување на загаденоста.
– Со вашата поддршка на 15 октомври овие проекти ќе бидат реализирани, не само ветени. Граѓаните на населбата Лисиче наскоро ќе ја заборават сегашната слика на запоставен дел од општината. Новата локална власт ќе се залага за еднаков раст и развој во општината, за сите, рече Марин.