Околу пет килограми непозната тревкаста материја, најверојатно марихуана, пронашла тетовската полиција при синоќешната контрола на автомобил Фиат Ланчија во близина на селото Долно Палчиште, на регионалниот пат Тетово-Пирок, информираше денеска портпаролот на СВР Тетово, Марјан Јосифовски.
Полициската контрола на автомобилот била спроведена околу 21 часот и во него биле возачот Ј.И.(39) од тетовско Камењане и совозачот П.Ѓ.(25) од Дебар.
– При целосниот преглед на возилото во багажникот била пронајдена полиетиленска бела вреќа во која имало пет поголеми пакувања од тревкастата материја, најверојатно марихуана, обвиткани со проѕирна селотејп лента со вкупна тежина од пет килограми. Тие биле одземени за вештачење, а биле подигнати и други траги додека двете лица биле приведени во полиција, изјави Јосифовски.
Со наредба на истражен судија кој заедно со јавен обвинител присуствувал на увидот, возилото е одземено и предадено на крим техника за понатамошна обработка.
Се преземаат мерки и активности за тоа кога, каде и од кого била набавената марихуаната и за каде била намената. По целосното расчистување на случајот ќе има соодветни поднесоци.