Заедницата на Македонците во Република Хрватска, по повод 25 годишнината од основањето, денеска во Загреб организира културна манифестација.
На програмата се фолклорни, пејачки, инструментални, рецитарирски, детски и етно групи. Ќе настапат македонски културни друштва од повеќе градови од Македонија и од Хрватска, а ќе биде отворена и изложба на етно ракотворби од етно работилници на здруженијата.
Покровители на манифестацијата се претседателката на Република Хрватска Колинда Грабар Китаровиќ, Советот на националните малцинства на Хрватска и градоначалникот на Загреб Милан Бандиќ.