Општина Битола денеска продолжува со новогодишната програма за деца и млади на плоштадот „Магнолија“ и на Широк сокак.
Според програмата, во текот на денот ќе бидат изведени детските претстави „Самовилата од напуштениот замок“ и „Изгубената снегулка“, а ќе биде приреден и посебен детско-тинјеџерски музички блок. За средношколците и студентите на новогодишната сцена ќе настапат стенд-ап комичарот Марјан Ѓеоргиевски, групите „Калабалак“, „3 Г Бенд“ и „Фан Хаус“.
Напладне ќе се одржи манифестацијата „Дедо Мраз во битолската Зоолошка градина“ на која освен забава со Дедо Мраз и бесплатно фотографирање, ќе се одржи забава со кловнот „Заги“ и награден квиз „Кој знае добива“ во кој ќе доминираат прашања за жителите во Зоолошката градина.