Малолетно девојче од село Иловица управувала со нерегистриран трактор и згазила 26-годишен пешак.
„На 10.6.2024 во 21.30 часот во Полициската станица Струмица било пријавено дека на локален пат од брана „Иловица“ кон село Иловица, струмичко, трактор без регистарски ознаки, управуван од малолетничка од село Иловица, удрил во пешакот Н.К.(26) од село Иловица“ велат од МВР.
Во несреќата со тешки повреди се здобил пешакот, констатирани во Медицински центар Струмица, а увид на местото извршила екипа на Полициската станица Струмица.