Малолетно лице вчера е уапсено од страна на полицијата од Полициската станица Центар.
Малолетникот физички нападнал и ограбил друг малолетник. Според МВР малолетникот пред полноќ на улицата „Костурски херои“ го нападнал момчето и му одзел пари, но полицијата веднаш го пронашла и одземените пари се вратени на сопственикот, а сторителот е приведен.
Во соопштението од МВР се вели:
„На 18.06.2023 во 23.30 часот на ул.„Костурски херои“ во Скопје, полициски службеници од Полициската станица Центар лишиле од слобода малолетник од Скопје. Тој се сомничи дека околу 23.10 часот на бул.„Илинден“ со употреба на физичка сила одзел пари од друг малолетник од Скопје.
Одземеното било пронајдено и вратено на сопственикот, а по целосно документирање на случајот против него ќе биде поднесена соодветна пријава“.