Малиот пазар во Велес останува затворен, големиот ќе продолжи да работи секој ден од 7 до 14 часот

Од:

Поради состојбата со коронавирусот во Велес, не се дозволува укинување на веќе донесените мерки. Градскиот пазар ќе продолжи да работи според досегашната динамика и определеното работно време, секој работен ден од 7 до 14 часот, а Малиот пазар во Нова населба останува затворен.

Ова го соопшти Општина Велес каде што денеска се одржа средба на која градоначалникот Аце Коцевски заедно со претставници од Центарот за јавно здравје од Велес, инспекциските служби, МВР – СВР Велес и ЈКП „Дервен“ разговараа за прашања поврзани со отворањето на Малото пазарче во Нова населба, како и за досегашната работа на Градскиот пазар и проширување на продажбата на непрехранбени производи на отворено.

На средбата, исто така, се разговарало и за барањата на регистрираните трговци-поединци за продажба на други, односно непрехранбени производи, како и обезбедување дозвола за продавачи кои досега ги продаваа своите производи на паркингот зад ООУ „Панко Брашнаров“ пред Градскиот пазар.

Од Општина Велес информираат дека следната средба на која повторно ќе бидат разгледани овие и други дополнителни барања ќе се одржи идниот понеделник.

Би можело да ве интересира

69 болни и немоќни лица денеска гласаат во Велес

Горан Наумовски

Каранфилова Пановска: Во центарот на програмата на СДСМ и Маја Хеско за Велес се граѓаните и нивните потреби

Филипче од Велес: СДСМ имаше пет иницијативи за раст на платите, ВМРО-ДПМНЕ ги одби сите

Велешанец ја следел девојката, ја навредувал и ја малтретирал, но и нанел и повреди

Горан Наумовски

ДОМ: Фемицидот во Велес е резултат на институционален колапс – бараме одговорност и системски промени

Петровска: Секое непостапување во случајот Росица мора да биде казнето!