Ноќва пред домот на пратеникот на СДСМ од Куманово, Максим Димитриевски, непознати лица напишале пораки со навредливи и заканувачки содржини.
„Максо гробар на Македонија“, „Максо албански слуга“, „Максо предавник“, „Максо дали Куманово заслужува двојазичност“, ова се само дел од пораките кои утрово ги видоа соседите и семејството.
„Ова е нивното сценарио за заплашување и предуцирање нереди“, вели за а1он Максим Димитриевски, па на тие кои го направија ова и на нивните налогодавци им порача:
Лично го прашувам тој изманипулираниот што го напиша оваа пред мојот дом:
Дали воопшто ме познаваш барем малку човеку?
Очајнички се вашите обиди за манипулација со јавноста, криминалци.
Димитриевски случајот го пријави во полиција.
